DÍA DO LIBRO

Boas familias, 

A proposta do equipo de biblioteca, para a conmemoración do día do libro (23 ABRIL), convertímonos en auténticos escritores e escritoras.

A través dun “folio xiratorio” creamos, por grupos, estes microrrelatos. Cada membro do grupo escribiu  un pequeno fragmento da historia e fomos rotando o folio ata ter a historia completa. A única condición era que tiña que conter tres palabras: SOL, PLANTA E BOLBORETA.

Así quedaron os nosos relatos!

XUNT@S SOMOS INVENCIBLES!

Ola, familias!

Esta semana, puxemos en valor características que desatacamos  dos nosos compañeiros e compañeiras.

Tivemos un momento de reflexión para pensar as cousas que nos gustan e valoramos de forma positiva dos demais e escribimos algunhas delas nunhas cartolinas.

Por outra banda, fíxonos moita ilusión o que os nosos compañeiros e compañeiras dixeron de nós!😀

Boas vacacións!

RECUNCHO CORAZÓN

Queridas familias! 

 

Estes días comezamos a pór en marcha na nosa aula o RECUNCHO CORAZÓN. 💗

Un espazo para a buscar a calma, traballar a xestión de emocións, aprender a resolver de forma pacífica os conflitos...

Nel, tamén fomentaremos a nosa autoestima, resiliencia e comunicación afectiva, pondo en valor, o traballo colaborativo e creando un clima afectivo na aula.

Ao noso compañeiro, Mario, ocorréuselle un lema que, en seguida, todos secundamos.

"Xunt@s somos invencibles"

METEOLORIGA

Este mes de marzo somos os encargados do proxecto METEOLORIGA! 

Este proxecto está relacionado coa meteoroloxía e o clima en Galicia, a partir da observación meteorolóxica na escola.

Todos os días comprobamos o estado do ceo; rexistramos os datos dos instrumentos meteorolóxicos na nosa estación (temperatura máxima e temperatura mínima no termómetro, precipitacións no pluviómetro); comprobamos na páxina de Meteosat a dirección e a velocidade do vento, a presión atmmosférica, a humidade...

Ao rematar este mes, seremos os encargados de dar o parte meteorolóxico de marzo a todos os compañeiros e compañeiras do centro.

TITULARES TOLOS

 A semana pasada conmemoramos no colexio a SEMANA DA PRENSA.

Entre outras actividades, mergullámonos no mundo da prensa escrita empregando a técnica: Titulares Tolos de  Gianni Rodari.

Levamos  acabo unha proposta divertida e creativa que deu renda solta á nosa imaxinaxión.

Este foi o resultado!

XOGOS DE MESA

 

A semana pasada aterraron na nosa aula novos XOGOS DE MESA! 

Desta forma, entre outras moitas cuestións:

Melloramos a nosa concentración, memoria, observación, imaxinación, autoestima...

Potenciamos habilidades motoras e sensoriais.

Pomos en práctica as normas de convivencia (escoitar aos demais, respectar as quendas...)

Favorecemos a socialización e reforzamos os nosos vínculos afectivos.

Descubrimos a importancia do esforzo e do traballo en equipo.

Aprendemos contidos relacionados coas matemáticas (números, cálculo...), coas linguas (lectura e a escritura, vocabulario...)

ADEMAIS O PASAMOS XENIAL!😄

"Los 10 cerditos"

"Carrera de letras"

"Bloques magnéticos"

"Color line"

Libros de lectura interactivos (Mans de Ouro)

"La fiesta de las letras"

"Speedy Ants"

ENTROIDO

 Ola, familias! 

Aquí tedes algunhas fotos do noso ENTROIDO! 😀