CORRELÍNGUA NA ESTRADA.

A rapazada de 1º ciclo xuntouse este 21 de maio na Estrada con representantes doutros centros educativos  para camiñar polas súas rúas acompañados de pancartas con lemas en prol do uso da língua galega.

                                       

plantando na horta

Neste último trimestre, e cando o tempo o permitiu, os distintos cursos fóronse achegando ao seu bancal da horta escolar para facer as plantacións: pementos, tomates, patacas, fabas , alquequenxes, amorodos, leitugas, millo..

                   

                                           

plantas á residencia

A rapazada de 1º de primaria enviou plantas de tomates e pementos, produto da sementeira feita na clase, ás persoas maiores da Residencia das Cruces para que as transplantaran na súa horta. Carla, a súa compañeira de clase, foi a encargada de levalas á residencia.

COLABORACIÓN COA ASOCIACIÓN DA VECIÑANZA DE PRADO.

Un don obxectivos do noso proxecto de centro "Ciencia para un futuro sostible" consiste en desenvolver  accións de colaboración con asociacións veciñais ou culturais. Dada a oportunidade de cooperación coa Asociación da veciñanza de Prado o día 23 de maio o alumnado de 2º de primaria achegouse ao local parroquial para facer labores de limpeza e plantación.

Con esta actividade pretendemos:

- Fomentar no noso alumnado o coidado polo medio que nos rodea, 

detectando e tratando de eliminar elementos e especies invasoras presentes 

na nosa contorna, así como dar a coñecer as consecuencias que teñen a 

presenza das mesmas.

- Coñecer, valorar e protexer as especies autóctonas da nosa contorna.

- Colaborar e establecer lazos de unión coa veciñanza e persoas que axudan 

a enriquecer a nosa comunidade educativa.

 Unha vez rematado o traballo a cativada gozou dunha merenda ao aire libre.